သိထားသင့်တဲ့ Interpersonal Skills များ

သိထားသင့်တဲ့ Interpersonal Skills များ

Interpersonal skills တွေထဲမှာ အရေးအကြီးဆုံးတစ်ခုကတော့ Communication ပါ။ သင်ဟာ IT ပိုင်းမှာ အလုပ်လုပ်သူဖြစ်စေ ၊ Constructionပိုင်းမှာ အလုပ်လုပ်သူဖြစ်စေ သင်ဟာ လုပ်ငန်းခွင် မှာရှိတဲ့ အခြားသူတွေနဲ့ နှုတ်အားဖြင့် သာမက အရေးအသားပိုင်းဖြင့်ပါ ကောင်းမွန်စွာ ဆက်သွယ်ပြောဆိုနိုင်ဖို့ လိုအပ်ပါတယ်။

Communication

- Interpersonal skills တွေထဲမှာ အရေးအကြီးဆုံးတစ်ခုကတော့ Communication ပါ။ သင်ဟာ IT ပိုင်းမှာ အလုပ်လုပ်သူဖြစ်စေ ၊ Constructionပိုင်းမှာ အလုပ်လုပ်သူဖြစ်စေ သင်ဟာ လုပ်ငန်းခွင် မှာရှိတဲ့ အခြားသူတွေနဲ့ နှုတ်အားဖြင့် သာမက အရေးအသားပိုင်းဖြင့်ပါ ကောင်းမွန်စွာ ဆက်သွယ်ပြောဆိုနိုင်ဖို့ လိုအပ်ပါတယ်။
အချို့အလုပ်တွေမှာဆိုရင် ကောင်းမွန်တဲ့ Public speaking skills ရှိဖို့တောင် လိုအပ်ပါသေးတယ်။

Conflict Management

- သင်ဟာ Manager တစ်ယောက်ဖြစ် စေ အခြားရာထူးရှိ လက်အောက်ငယ် ဝန်ထမ်းတစ်ယောက်ဖြစ်စေ လုပ်ငန်းခွင်မှာဖြစ်လေရှိတဲ့ သဘောထားကွဲလွဲမှုတွေကို တစ်ချိန်ချိန်မှာ ဖြေရှင်းရမှာပါပဲ ။ဝန်ထမ်း၂ ဦးကြား ဖြစ်စေ ၊ သင်ကိုယ်တိုင်နှင့်အခြား ဝန်ထမ်းတစ်ဦးကြားဖြစ်စေ ၊ Company နဲ့ Client ကြားမှာဖြစ်စေ အမျိုးမျိုးသော သဘောထားကွဲလွဲမှုတွေ ကြုံတွေ့ရတတ်ပါတယ်။ အဲ့အချိန်မှာ သင်ဟာ ၂ ဖက်စလုံးမှ စကားတွေကိုသေချာ နားထောင်သင့်ပြီးသင့်တော်တဲ့ အဖြေတစ်ခုရရှိဖို့အတွက် ကောင်းမွန်တဲ့ ဖြေရှင်းနည်းတွေကို အသုံးပြုရပါမယ်။
Empathy
- Manager ကောင်းတစ်ဦး ၊ဝန်ထမ်းကောင်းတစ်ဦးမှာ ပြသာနာတွေကို နားလည်နိုင်စွမ်းနဲ့ တစ်ပါးသူကို စာနာနိုင်စွမ်းရှိသင့်ပါတယ်။Customer တစ်ဦး သို့မဟုတ် မိတ်ဆွေ တစ်ဦး မှ Complaint ရှိလာတဲ့အခါ ဥပမာအားဖြင့် တစ်စုံတစ်ယောက်ဟာ သူ့ရဲ့ စိုးရိမ်ပူပန်မှု တစ်ခုကို ဖော်ပြတဲ့ အခါ အသေအချာ နားထောင်တတ်ပြီး စာနာရိုင်းပင်းတတ်မှုကို ပြသတတ်ပါစေ။

Leadership

- သင်ဟာ Manager တစ်ယောင်မဟုတ်ခဲ့ရင်တောင် သင့်မှာ Leadership အတွေ့အကြုံနှင့် Leadership စွမ်းရည် ရှိဖို့ လိုအပ်ပါတယ်။ Leadership skills မှာ team ရဲ့ target တွေ အောင်မြင်ဖို့ အတွက်အခြားသူတွေကို အားတက်အောင် တိုက်တွန်းပေးနိုင်စွမ်း တွေပါဝင်ပါတယ်။

Listening

- သင်ဟာသင့်ရဲ့ က်ိုယ်ပိုင် Idea တွေကို ချပြချင်တဲ့အခါ အခြားသူတွေရဲ့ Idea တွေကိုလည်း လေးနက်စွာနားထောင်ပေးတတ်ဖို့လိုပါတယ်။အဲ့လို ပြုမူခြင်းဖြင့် တစ်ဦးနှင့် တစ်ဦးကြားမှာ လေးစားမှု၊ တန်ဖိုးထားမှုတွေကို ရရှိနိုင်မှာပါ ။

Negotiation

- ညှိနှိုင်းဆွေးနွေးတတ်ခြင်းဟာလည်း အရေးကြီးတဲ့ Skill တစ်ခုဖြစ်ပါတယ်။ Agreement တွေ Contract တွေ ပြုလုပ်တဲ့နေရာမှာဆို ပိုတောင်အရေးပါပါတယ်။ ကောင်းမွန်တဲ့ ညှိနှိုင်းစေ့စပ်သူတစ်ဦးဖြစ်ဖို့ အတွက် သင်ဟာ အခြားသူတွေကို လေးနက်စွာ နားထောင်တတ်ပြီး အဖက်ဖက်အတွက် စိတ်ကျေနပ်စေမယ့် အဖြေတစ်ခုရအောင် ထုတ်ပေးနိုင်စွမ်းရှိဖို့ လိုအပ်ပါတယ်။

#ကူးယူဖော်ပြခွင့်မပြုပါ
#skillsforsuccess